العدل هيكون شعارنا كلنا ...
عايزين نقول للعالم كله مش هنسيب حقوقنا تضيع مننا ...
ماتنسوش موعدنا يوم 25 مايو
موعد كلمه حق لازم ننطق بيها كلنا
نصر العدل ورفض الظلم ابسط حق لنا
مش عايزين شعارات ........ولا عايزين مظاهرات
ممكن تخليكى فى بيتك .. او تخليك فى شغلك ... وفى نفس الوقت تشاركوا معانا
لو انت طالب
اقف فى مدرستك او كليتك ، جمع زمايلك وصحبتك ، حطوا ايديكم فى ايدين بعض ،، عارفين ان عندك امتحانات،، بس ما تقولش الوقت فات ،، اتجمعوا ولو خمس دقايق ،، صوتك هيغير كتير ،، دافع بيه عن حقك الاسير،، وارسل
لنا صوره التجمع حتى لو بالموبايل .................
ولو انت موظف فى اى مكان
جمع اللى تقدر عليه ،، واقفوا فى اى مكان مش مهم شكله ايه،، المهم عايزين صورتك تقول ،، اننا مش هانسكت ،، وبرضه مش هنثور ،، مطلبنا الوحيد العدل ونزاهه القضاء ،، ومش هنخده بالدراع ،، بس هنخده بالاجماع ..........
حتى لو كنت وقتها فى الشارع
لو راكب عربيتك حط عليها علم ،، ولو ماشى فى الشارع البس حاجه لونها أحمر او أخضر رمز لشعار العدالة ،، ولو شفت ناس متجمعين فى هدوء اقف جنبهم ،، مش عايزين هتافات ،، كل اللى يهمنا ،، انك تضم صوتك لنا ،، وأوعى تثور او تغضب ،، او تدى الأمن فرصة يهدك ،، دافع بس عن حقك ،،، وطالب بنزاهه قضاء بلدك ..........................
ولو كنت ست بيت
صوتك برضه يهمنا ،، وأبسط شئ ممكن تعمليه،، علقى فى شباكك او بلكونتك العلم ،، ولو معندكيش ،، انشرى ملابس لونها أحمر او أخضر ،، ولو مفيش برضه ما تقلقيش ،، اتصلى بينا واحنا هندعمك ،، يله بسرعة وما تستنيش ....................
اما لو كنت دكتور او كنتى ممرضه
بزيكم الأبيض النقى اتجمعوا ولو فى غرفه فى مكان العمل ،، وارفعوا شعار العدل او اى رمز ليه ،، مش عايزين اكتر من صوره تجمعكم كلكم ،، نقول بيها للعالم اننا مش مستسلمين ،، وبغير العدل ونزاهه القضاء مش راضيين ...................
1 comment:
I have been looking for sites like this for a long time. Thank you! » » »
Post a Comment