دلوقتي و بعد ما فاتت سنة على الانتخابات البرلمانية لقينا بعض الصحفيين بدأوا يفتحوا من تاني ملف
تزوير نتائج الانتخابات و بعد ما كنا
انشغلنا كلنا في قضية الدفاع عن حرية الصحافة و التصدي لقضايا الفساد و التضامن مع حركة القضاة
الاصلاحيين ,لقينا نفسنا بنرجع مرة
تانيه لأول انشطتنا وهي مراقبة التزوير في الانتخابات ومن حسن حظنا ان "ميراندا" السكرتيرة بنعتبرها
ملكة الأرشيف و ده عشان
هي مش بتفرط ابداً في اي خبر او اي مستند و بتعمل من كل حاجه عشر صور و بتحتفظ بيها ده غير الارشيفات الصحفيه الخاصه
بالقضاة و قضايا التعذيب و حرية الصحافة ..انا عن نفسي مش ببذل مجهود كبير عشان الاقي خبر فات
عليه شهور كتيره ..وده طبعاً
فادنا كنير لأن في زحمة شغلنا على قضايا الفساد تعرضنا لهجوم صحفي مفاجيء ,فالحمد لله قدرنا نعمل
ملف كامل من تقارير المراقبة
على الانتخابات لغاية الاحكام الصادرة من محكمة النقض بإلغاء نتائج الانتخابات في بعض الدوائر. ده غير
اني سمعت خبر حلو بليل من استاذه غادة و احنا بنتكلم في التليفون لما قالت لي ان في ايميلات بتيجي لنا
بتشكر في الموقع بتاعنا..و فرحت جدا لما قابلتها الصبح و اديتني مصحف هديه..شكراً يا استاذة غادة.
No comments:
Post a Comment