خليكم شايفنا

إحنا عاملين المدوّنة دي مش بس عشان نقول لكم أخبار الحركة..و نحكي لكم عن المصاعب إلي بنواجهها عشان

نوصل لأهدافنا إللي هي اكيد بالضرورة اهدافكم,إحنا كمان عملنا المدونة دي عشان نبقى معاكم و نعيش في وسطكم و

نحكي لكم عننا .

النهاردة و انا قاعدة مع أستاذه غادة بناقش ازاي يا ترى الموقع الالكتروني بتاعنا واقع و مش بيفتح ,و الناس بدأت

تتصل بينا تسألنا..هل فعلا في مشكلة في السيرفر كما يحدث لأي سيرفر في الدنيا..أم أن هناك من قام بالهجوم

الإلكتروني على السيرفر و الذي يسمى "بالهاكنج"..سواء كده أو كده فحاليا الموقع الالكتروني بتاعنا مش شغال بشكل

مؤقت جدا..و احنا آسفين جدا..و المناقشه خدتنا من مشكلة الويب سايت لشكل المدوّنة بتاعتنا و إللي استاذة غادة

عايزة تعملها مشاهدات حية لكل ما يحدث خلف الكواليس_زي ما بيقولوا_ للحركة.. عشان تبقوا عايشين معانا لحظة

بلحظه زي م إحنا بنحاول نعيش معاكم من خلال مدوناتكم ..احنا عايزنكم فعلاً تشوفنا زي ما إحنا بنحاول نشوفكم..و

نعرفكم.. و بصراحة عايزين نفضفض لكم و نحط همنا على همكم لأن بجد الشغالنه بقت صعبه اوي و المشوار محتاج

أننا نكون جنب بعض.